黑木亭居酒屋 (清風街) (Closed)

介紹返尋晚攰到懷疑人生時喺天后搵到嘅一間超高質居酒屋。完全係繁忙生活嘅一片淨土，食完餐飯全日嘅勞碌都一掃而空。【煮物】清酒煮蜆（$98）清酒味鋒芒畢露，蜆嘅鮮味就不甘後人。仲有各式野菌，金菇、秀珍菇、冬菇等，既健康又惹味。【沙律】黑蟹籽龍蝦沙律（$98）除咗新鮮豐富嘅沙律菜，仲有黑蟹籽同龍蝦沙律醬，可以食到一粒粒爽口而且賣相誘人嘅黑蟹籽，再加上剁碎切粒嘅蝦肉，配埋麵包咁食真係極富格調。【日本A4和牛】日本產A4和牛他他（$288）和牛他他係將牛肉切片咁上碟，而唔會絞爛剁碎。原件薄片嘅和牛色澤透紅，遇見佢時我嘅心情exactly係你每次喺city super經過凍肉區瞥到一排排高級鮮肉好想買但摸摸銀包心諗都係算啦唉好窮啊__但今日居然比我食到omg（好很感動啊）嘅雀躍。尚有血色嘅和牛肉幼嫩得驚人，咀嚼呢碟和牛他他就好似搓緊遠房親戚個BB塊面珠墩咁舒服，陌生又熟悉。血濃於水。No reason，就是爽。你就是愛佢。【串燒】沖繩黑糖燒菠蘿（$38）｜黑豚五花腩串（$58）｜廣島蠔（$58）｜牛肋串（$48）｜鴛鴦翠玉瓜（$28）基本上串燒全部都好正。燒菠蘿多汁鮮甜，黑豚、牛肋肉質嫩滑，加上燒