天后出名多野食，最近俾我發現到一間全新嘅日韓燒烤，一於入嚟試吓😋
前菜有5款，樣樣都好食，尤其kimchi同蓮藕最好食👍食完仲可以免費添加！
「爽脆白鱔片（配浦燒醬汁）」
4件大大塊白鱔片，全部厚切啖啖肉，配合埋啲蒲燒醬汁，新鮮爽脆
「四味五花肉」
四味五花肉是此店的熱賣菜式，分別有（黑椒鹽，韓式醬汁，蔥蒜，果味醬汁），成條上嘅五花肉真係第一次見，仲要有咁多款口味。
個人推介韓式醬汁，因為夠晒入味，有少少辣嘅口感更好😋
「厚切A5和牛粒三拼」
三拼分別有（A5宮崎雪花和牛粒）（A5宮崎和牛稀有牛眼蓋）（牛舌）
牛舌爽口彈牙，口感豐富😋，和牛粒不愧為A五等級，入口即溶，真係好好味，強烈推介🤩🤩，另外牛眼蓋都不錯，脂肪分泌足夠，有足夠既牛味👍👍
通常食燒烤都會用得比較多紙巾，紙巾就分布在裝飾上十分方便，美觀實用，值得一讚👍👍
叫咗兩杯特色飲品🍸
（北海道芒果牛乳乳酸）
（藍蝶花佛手甘熊茶）
兩款都好清新，口感好好，藍蝶花果杯有石榴味，有一種清新撲鼻嘅感覺。
最後大家得閒過嚟試吓啦！
