養珍品牛肉麵 (Closed)

當晚入到食店一打開個餐牌真係眼都突埋。一碗細牛肉面要$111, 大嘅竟然要$222。既然收得咁貴, 又講到個牛肉面係主打, 當然要試下佢有幾厲害。但係黎到真係不外如事到好厲害!!首先個牛肉麵一黎到, 大家都爭住要試佢到底有幾厲害。其實個湯底唔差嘅, 入口之後唔會得個鹹, 而且個鹹味唔會鎖住係個喉嚨到太耐。但係個牛肉麵收得咁貴, 竟然個麵唔係手造麵真係令人大失所望。我完全唔覺得抵食, 如果佢係同其他差唔多嘅話就重OK。另外我地重叫左個台式滷肉豬手飯。首先我個人偏向鍾意膠質非常重, 食落會痴嘴嘅豬手, 而呢到個豬手嘅膠質對我黎講唔夠重, 唔夠痴嘴。另外個滷肉飯我完全食唔到我食台灣食嘅滷肉味! 我只係覺得佢用左D肉碎撈油比我, 加上飯粒係完全粒粒分明。重點係我覺得唔好食都唔緊要喇, 食唔飽果下真係我想喊。呢間野就係唔洗有下一次。