Video
Read full review
2019-04-12
2994 views
自問唔係特別擦得，除非朋友約食飯，哈哈。今日兩丁友黎到大鴻輝，呢度多火鍋店就出哂名，揀左頂樓呢間相馬日式火鍋。唔知係咪平日呢，地下等電梯唔係好耐咋喎，我仲留低上年喺度排隊等lift嘅印象。火鍋店面積頗大，位置非常多，而且闊落，大部份係卡位。靠近玻璃窗嘅位置可以見到夜景，幾壯觀，視野廣闊。裝潢方面偏簡約，唔會好大陣打邊爐味，通風可以。店員送上餐牌，呢度同其他日式火鍋放題一樣，分幾款套餐自選，分別有：美國進口牛肉、美國特選牛肉、美國頂級牛小排、特上澳洲和牛，平日定價$168/228/298/358，價錢唔貴。揀左第二級牛肉，連同醬油費每位$238/120分鐘，可以任食特選牛肉、豚肉、雞肉同丸類、蔬菜、菇菌等配料。以我地嘅食量黎計，性價比不俗。湯底分清湯/甜豉油/豚骨/蕃茄/辣湯。仲有一張炸物紙，有蔬菜、丸類、餃子、蝦、雞翼等炸物，同樣任食，即點即炸。醬料區我地揀左蕃茄湯底，湯底好大鍋，入面放左好多切粒蕃茄，都算好有誠意，微微酸，好開胃。而且湯多，基本上我地全晚冇加過。而且之後淥野都入到味嘅，唔會話太淡。好滑溜嘅豆腐。牛肉其實都唔會太差，有適量厚度，唔會話薄得好緊要，而且有肉味，我地呢款脂肪
裝潢方面偏簡約，唔會好大陣打邊爐味，通風可以。
店員送上餐牌，呢度同其他日式火鍋放題一樣，分幾款套餐自選，分別有：美國進口牛肉、美國特選牛肉、美國頂級牛小排、特上澳洲和牛，平日定價$168/228/298/358，價錢唔貴。揀左第二級牛肉，連同醬油費每位$238/120分鐘，可以任食特選牛肉、豚肉、雞肉同丸類、蔬菜、菇菌等配料。以我地嘅食量黎計，性價比不俗。
湯底分清湯/甜豉油/豚骨/蕃茄/辣湯。
仲有一張炸物紙，有蔬菜、丸類、餃子、蝦、雞翼等炸物，同樣任食，即點即炸。
醬料區
我地揀左蕃茄湯底，湯底好大鍋，入面放左好多切粒蕃茄，都算好有誠意，微微酸，好開胃。而且湯多，基本上我地全晚冇加過。而且之後淥野都入到味嘅，唔會話太淡。
好滑溜嘅豆腐。
牛肉其實都唔會太差，有適量厚度，唔會話薄得好緊要，而且有肉味，我地呢款脂肪唔多，勝在入口軟腍。
豚肉都比想像中好，平時我就好少食，都唔錯，薄片香口。
雞肉反而幾有驚喜，完全無雪藏味，雞肉札實，我地好少可食哂。
其他配料全部係自助嘅，丸類、餐肉、水果放喺凍櫃。
基本上都好新鮮，唔會話雪到硬哂。牛丸、芝士丸、墨魚丸等，我地都食左唔少。
最欣賞佢地蔬菜類夠多，因為我本身唔係食肉獸，都鐘意食下菇菜。羽衣甘藍、花生豆芽、荀等都有。
試左少少炸物，雖然係即炸，但炸漿厚身，普普通通，個人認為食多幾碟牛好過，哈。
飲品基本款。
Post
