京都鐡板居酒屋 (Closed)

話說最近個人冇咩動力咁，覺得係時候要獎勵下自己😌，上網見到有間鐵板燒幾抵咁😋 就捉咗個朋友一齊嘆下。💠前菜 ➕ 💠季節沙律🥗茶碗蒸滑捋捋，除咗平常都有嘅冬菇、蝦仁外，仲有白果! 沙律菜配芝麻醬幾開胃~ 💠時令刺身三品盛盒店員介紹由北寄貝👉鰈魚鰭邊👉吞拿魚咁順序食，呢個舖排幾好，最後食吞拿魚清返個口，咁就唔會影響到品嚐下一道菜啦。💠沙巴原隻野生海虎蝦🍤海虎蝦肉質厚實又彈牙，蝦頭有少少蝦膏，幾鮮味，配上甜辣嘅千島醬有畫龍點晴👀嘅效果。💠南非活鮑魚配日式XO脆脆醬由師傅show食材俾我地睇，到煮緊嗰陣，不時見隻鮑魚仲活動緊💃💃鮑魚爽嫩又易咬，海苔汁作為配角好出色，淡淡地得嚟又襯托到鮑魚嘅鮮味。另外，佢個自家制脆脆醬好脆好香口，食落係有少少辣🌶幾惹味!💠法式鵝肝配紅酒黑醋🍷鵝肝滿滿嘅油脂加上脆多士真係冇得輸，大滿足😋食到最後先記得點佢個紅酒黑醋汁，酸酸地幾解膩。💠美國頂級牛肉厚燒 牛肉叫咗Medium🖐，幾有口感。 D配料都做得幾好，蒜片係自家制嘅，似薯片咁脆，而鹽昆布用嚟配牛肉食就第1次試，幾特別‼️ 💠京都特色炒飯🍚滿滿嘅櫻花蝦乾配蛋炒飯幾香，驟眼睇以為個飯量正常，點知食落好大碗💠季節野菜