Video
Read full review
2015-04-25
800 views
上次路過見到有打冷野食實在太好喇，仲要係廿四小時營業！今晚終於有機會黎試一試喇，操完補一補先，依舊獨獨晚餐。發現依家茶餐廳供應既食物都幾雜架喎，有打冷、潮州粉麵、粥品、即食麵、廣東小炒、西式快餐、意粉、煲仔飯、火鍋、點心、蒸飯，真係應有盡有喎。左諗右諗唔知食咩好，獨獨餐又食唔到好多野，叫 3 個送算啦，哈哈 ﹗有菜有肉有魚夠晒 balance 架。滷水鵝片銀芽底、豉椒炒大蜆、韮菜花炒斑球，淨食餸唔要飯，一個人三碟送，剛剛好，唔係好多啫。嚇親隔離枱，哈哈！滷水鵝片銀芽底，估唔到普通茶餐既滷水都非常有水準呢。滷水清香又不嗆不濁，不咸而帶甜，好食喎 ﹗鵝片厚薄適中，剛好彈彈的，不硬又嫩口 juicy。唔記得幫我轉銀芽，搞錯呀叔叔，又話記得。我要銀芽底架，依家有花生豆腐乾底之餘，仲要另上一碟銀芽比我呢。不過點解完全唔爽甜既，勁腍劈劈呀！浸煮得太耐喇。豉椒炒大蜆，希望唔會又係拖過水、烚定之後撈汁出貨嗰隻啦。記到 menu 寫住大蜆，梗係叫黎試試啦。唓 ﹗都唔係大蜆黎既，普通蜆乍喎。個汁偏甜，蜆層經出過水，好采未算過份，仲食到少少海水味同蜆味。兜得唔均勻，有部份蜆仲係凍囉，撈出黎而唔係生炒既咪惘想
上次路過見到有打冷野食實在太好喇，仲要係廿四小時營業！今晚終於有機會黎試一試喇，操完補一補先，依舊獨獨晚餐。
發現依家茶餐廳供應既食物都幾雜架喎，有打冷、潮州粉麵、粥品、即食麵、廣東小炒、西式快餐、意粉、煲仔飯、火鍋、點心、蒸飯，真係應有盡有喎。
左諗右諗唔知食咩好，獨獨餐又食唔到好多野，叫 3 個送算啦，哈哈 ﹗有菜有肉有魚夠晒 balance 架。
滷水鵝片銀芽底、豉椒炒大蜆、韮菜花炒斑球，淨食餸唔要飯，一個人三碟送，剛剛好，唔係好多啫。嚇親隔離枱，哈哈！
滷水鵝片銀芽底，估唔到普通茶餐既滷水都非常有水準呢。滷水清香又不嗆不濁，不咸而帶甜，好食喎 ﹗鵝片厚薄適中，剛好彈彈的，不硬又嫩口 juicy。
唔記得幫我轉銀芽，搞錯呀叔叔，又話記得。我要銀芽底架，依家有花生豆腐乾底之餘，仲要另上一碟銀芽比我呢。不過點解完全唔爽甜既，勁腍劈劈呀！浸煮得太耐喇。
豉椒炒大蜆，希望唔會又係拖過水、烚定之後撈汁出貨嗰隻啦。記到 menu 寫住大蜆，梗係叫黎試試啦。唓 ﹗都唔係大蜆黎既，普通蜆乍喎。個汁偏甜，蜆層經出過水，好采未算過份，仲食到少少海水味同蜆味。兜得唔均勻，有部份蜆仲係凍囉，撈出黎而唔係生炒既咪惘想有鑊氣喇！
韮菜花炒斑球，想食炒韮菜花但唔知配咩好，又無蜆肉喎。叔叔推介斑球，話係自家新鮮起架，今日限量，所以要成百幾二百蚊碟 ﹗好，我信您，叫黎試試。肉質結實略彈，口感唔錯。不過味道有點過咸，送飯應該剛剛好，但我淨食餸呢。今次醒目地先問有無韮黃、芽菜、蔥之類一齊炒，全部幫我走晒去，依家啖啖爽嫩韮菜花，鮮甜又無渣，好味！
Post
