地點：北角英皇道
菜式：串燒
餐牌：簡單一張紙，包括海鮮，是日海鮮厨師推介，燒活魚，錫紙系列，蔬菜，肉類，特色丸腸類，牛鴨豬，主食，鐵板系列，麻辣香鍋，甜品，飲品。可選辣度。
蒜蓉粉絲燒大蟶子皇 $58一隻
叫左兩隻大蟶子皇，大蟶子皇連殼上枱。都唔細隻，味道都好鮮甜，有咬口。面頭加上大量粉絲，滿滿孜然粉同蒜蓉，好香。
秘製麻辣煮花螺 $65一份
秘製麻辣煮花螺用個錫紙兜上枱，份量好多，足有25隻左右，都幾大隻，質感都頗有咬口，叫左小辣，味道好惹味，仲有翠玉瓜吸汁。
鹽燒白鱔魚 $55一串
鹽燒白鱔魚一串三件，燒得皮脆肉彈牙，味道係滿滿孜然粉。
今餐主打海鮮，總括而言，調味係唔錯。
