Video
Read full review
2023-10-07
173 views
見餐廳新開仲有大閘蟹放題，決定去滿足一下。揀咗3至4両大閘蟹套餐，成個套餐有6部曲，非常豐富：1️⃣ 前菜 - 分別係雜菜沙律及麻辣皮蛋2️⃣ 大閘蟹小食 - 共8款小食，蟹粉多春魚嘅炸漿幾薄，仲有蟹粉粥及糯米飯，幾吸引。3️⃣ 大閘蟹🦀🦀 - 有4種口味，分別清蒸、酒釀、鹽焗及麻辣，亦可以揀蟹公或蟹乸，當日嘅大閘蟹都幾多膏，蟹乸仲爆哂膏，味道鮮甜，鹽焗亦令蟹肉提鮮。而大閘蟹即叫即蒸，我地大概等咗10-15分鐘上蟹，蟹控們要預時間落order。😉4️⃣ 香辣蟹油雞煲 - 雞肉好軟腍好入味，配料有豆卜、紫洋蔥及芫荽，面頭仲有蟹粉，份量唔少，蟹油味道唔算濃烈，而整體雞煲幾香幾惹味。5️⃣ 時令海鮮拼盤 - 海鮮有魷魚、貴妃蚌、鮑魚及扇貝，另外仲有蔬菜及烏冬，水滾後關蓋蒸4至5分鐘。而海鮮上嘅金銀蒜好好味，另外第一次食蒸烏冬，幾特別。6️⃣ 甜品 - 甜品係鮮奶桃膠，甜度適中，桃膠份量幾多。另外餐廳有自助區，擺放多款火鍋配料及飲品，佢地嘅自家製飲品，如竹庶茅根、檸檬薏米水，全部都非常足料！大推！套餐幾多野食，基本上食完雞煲已經飽飽，個人推薦清蒸及鹽焗大閘蟹，可以食到蟹嘅鮮味，餐廳亦有雞煲火鍋任食套餐，同大閘蟹套餐雞
1️⃣ 前菜 - 分別係雜菜沙律及麻辣皮蛋
2️⃣ 大閘蟹小食 - 共8款小食，蟹粉多春魚嘅炸漿幾薄，仲有蟹粉粥及糯米飯，幾吸引。
3️⃣ 大閘蟹🦀🦀 - 有4種口味，分別清蒸、酒釀、鹽焗及麻辣，亦可以揀蟹公或蟹乸，當日嘅大閘蟹都幾多膏，蟹乸仲爆哂膏，味道鮮甜，鹽焗亦令蟹肉提鮮。
而大閘蟹即叫即蒸，我地大概等咗10-15分鐘上蟹，蟹控們要預時間落order。😉
4️⃣ 香辣蟹油雞煲 - 雞肉好軟腍好入味，配料有豆卜、紫洋蔥及芫荽，面頭仲有蟹粉，份量唔少，蟹油味道唔算濃烈，而整體雞煲幾香幾惹味。
5️⃣ 時令海鮮拼盤 - 海鮮有魷魚、貴妃蚌、鮑魚及扇貝，另外仲有蔬菜及烏冬，水滾後關蓋蒸4至5分鐘。而海鮮上嘅金銀蒜好好味，另外第一次食蒸烏冬，幾特別。
6️⃣ 甜品 - 甜品係鮮奶桃膠，甜度適中，桃膠份量幾多。
另外餐廳有自助區，擺放多款火鍋配料及飲品，佢地嘅自家製飲品，如竹庶茅根、檸檬薏米水，全部都非常足料！大推！
套餐幾多野食，基本上食完雞煲已經飽飽，個人推薦清蒸及鹽焗大閘蟹，可以食到蟹嘅鮮味，餐廳亦有雞煲火鍋任食套餐，同大閘蟹套餐雞煲亦唔一樣，有機會都想試試。😊
Post
