Video
Read full review
2023-03-17
267 views
🌟餐廳：和牛燒肉一郎📍地址：佐敦佐敦道31-37號百誠大廈3樓💰價位：～$200 - $400⏰營業時間：星期一至日 12:00 - 16:00 / 17:30 - 23:30📱電話：27368218 / 66136688天氣凍凍地，除咗打邊爐之外，最岩就係食日式燒肉～今日收工就約埋朋友仔去佐敦呢一間「和牛燒肉一郎」，主打高質日式燒肉放題，餐廳提供既和牛更有和牛識別番號，質素一定有保證，就等我地即刻試吓先～呢度提供嘅放題套餐除咗有和牛及肉類任點任食之外，仲有自助區，有大量飲品及甜品供應~除此之外，仲有各款海鮮、湯品、前菜、小食、一品料理等等，性價比極高～———————————————————🔹特選牛及嚴選牛-呢度嘅牛肉種類選擇非常之多，我介紹幾個必食嘅牛肉先～*極上厚切牛舌-呢款極上厚切牛舌呈長條形，入口爽彈有口感～*大判壽喜燒牛里脊肉-牛里脊肉牛肉味最為濃郁，薄切入口口感夠鬆軟，好正～*特選牛肋肉-我就最鍾意特選牛肋肉，脂肪分布平均，食落又有咬口，必試～*薄灸蔥花牛舌-鍾意食蔥嘅朋友仔一定要叫，薄薄嘅牛舌上層鋪滿蔥花及特調醬汁，燒兩燒就食得，味道濃郁～*牛外橫膈膜-肉質最鬆軟，啖啖肉
📍地址：佐敦佐敦道31-37號百誠大廈3樓
💰價位：～$200 - $400
⏰營業時間：星期一至日 12:00 - 16:00 / 17:30 - 23:30
📱電話：27368218 / 66136688
天氣凍凍地，除咗打邊爐之外，最岩就係食日式燒肉～
今日收工就約埋朋友仔去佐敦呢一間「和牛燒肉一郎」，主打高質日式燒肉放題，餐廳提供既和牛更有和牛識別番號，質素一定有保證，就等我地即刻試吓先～
呢度提供嘅放題套餐除咗有和牛及肉類任點任食之外，仲有自助區，有大量飲品及甜品供應~
除此之外，仲有各款海鮮、湯品、前菜、小食、一品料理等等，性價比極高～
———————————————————
🔹特選牛及嚴選牛
-呢度嘅牛肉種類選擇非常之多，我介紹幾個必食嘅牛肉先～
*極上厚切牛舌
-呢款極上厚切牛舌呈長條形，入口爽彈有口感～
*大判壽喜燒牛里脊肉
-牛里脊肉牛肉味最為濃郁，薄切入口口感夠鬆軟，好正～
*特選牛肋肉
-我就最鍾意特選牛肋肉，脂肪分布平均，食落又有咬口，必試～
*薄灸蔥花牛舌
-鍾意食蔥嘅朋友仔一定要叫，薄薄嘅牛舌上層鋪滿蔥花及特調醬汁，燒兩燒就食得，味道濃郁～
*牛外橫膈膜
-肉質最鬆軟，啖啖肉食得好滋味～
———————————————————
🔹前菜及小食
呢度除咗燒肉放題之外，仲有大量前菜及小食供應，食物種類夠晒多元化~
*明太子薯仔沙律
-明太子Mix薯仔沙律好夾，味道濃郁又夠滑，食落好滿足～
*韓式泡菜拼盤
-有五至六款韓式泡菜，我就最鍾意醃蘿蔔，夠爽脆，微微酸辣好惹味～
*牛肉可樂餅
-可樂餅餡料豐富，炸至外脆內軟，夠香口～
*黑松露薯條
-份量十足而且即叫即炸，搭配黑松露醬，令人食極都唔停～
———————————————————
🔹韓式石頭鍋飯
食咗咁多烤肉，最後當然要食返一個熱辣辣嘅韓式石頭鍋飯先～
呢個石鍋飯材料非常豐富，有齊各款韓式泡菜、生牛肉及生雞蛋，透過熱辣辣嘅石鍋撈勻黎食，底部飯焦香脆，微微辣值得一試～
———————————————————
🔹甜品雪條
呢度其中一個回本位～
提供多款日式及韓式品牌嘅雪糕雪條，梗有一款啱你心水，我哋就識咗五至六款，食完燒肉嘆番支凍冰冰嘅雪條，既清新又消滯～
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
先講餐廳既環境，地方寬敞卡位梳化坐得好舒服，而且油煙嘅抽風系統都好好，唔會食到成身油煙味～
食物方面，大量和牛、海鮮、小食及甜品任點任食，食物種類夠晒多元化，性價比極高，值得一試~
Post
