入到去一坐低，餐廳同事就會放上主餐牌同Lunch Set Menu，而且仲好主動向我地一一推介，好貼心
仲會好細心咁同我地講解menu上面唔同套餐嘅特色之處
好似我呢D選擇困難證嘅人，聽完介紹都做唔到決擇嘅人，餐廳同事又會好細心咁觀察到，好快咁比到建議我地，考慮到我地同行三人，建議我地每人都可以點唔同嘅餐，盡可能比我地試到唔同嘅美食
好感動個炸雞小食好有驚喜，個人建議檸檬汁可以唔洗唧都得，因為本身已經有七味粉調味，可以先食一啖原味，之後再試一啖沾左一個有香草嘅汁(本人唔太清楚係咩汁
)，就會發覺意外嘅夾味
1
食得差唔多之後就上主菜了
招牌漢堡扒上菜時錫紙係包住，但係有專人係客人面前切開，D汁慢慢流落鐵板到，聽到啲滋滋聲，真係夠曬吸引
之後就上埋另一份，聽餐廳員工講，當中包含有三種芝士，對於我呢D芝士控黎講， 簡直就係天堂， 趁熱切開裏面啲肉仲係粉嫩粉嫩的
之後再繼續黎一個香煎北海道夢之大地豚 西冷扒， 聽職員講係用日本黑毛豬， 認真夠講究， 除咗要試必然嘅漢堡扒，本人對於呢個西冷扒都幾推薦
食完主菜之後，餐廳職員有主動推介另一款 美食， 就係一個叫圓圓鮮蕃茄沙律嘅菜品， 聽職員介紹係用咗梅酒浸24小時之後嘅成品， 師父嘅用心製作當然要好好品嚐。
賣相可愛，食落口清清涼涼， 就真係好似職員所講嘅咁，當甜品食都一流呀
