四喜麵包西餅

Open Now

Now Closed

我都算係半個四喜嘅粉絲，除咗年年中秋必幫襯佢哋嘅人手繪製包裝封面月餅，亦都會買下蛋批。近期開心果熱潮，我都翻兜咗幾次燒餅+蛋撻，好食😋👓開心果燒餅 $10質地煙靭有啲糯米香，唔太甜，表面有心果粒，餡料係開心果醬+開心果碎同埋芝麻，明顯口感咬到粒粒狀。10蚊過下口癮都唔錯，重點係唔使排隊等好耐先買到😆👓開心果德式布丁撻 $2525蚊個但都幾大舊，唔係普通蛋撻size，食一個已經飽足。面頭係一層開心果碎+凝固了的開心果醬，似一塊脆皮開心果朱古力，係整體開心果嘅源頭，因為下面嘅核心布甸蛋純粹原味，以蛋黃、鮮忌廉、牛奶製成，蛋味香濃、好厚蛋又滑。餅底係曲奇底，偏厚而且鬆化，即日新鮮食已經夠脆，我無再任何加熱。