【📍大角咀｜簡單美味車仔麵】
哩到車仔麵有好多唔同款嘅嘢食可以揀，雞牛豬魚丸菜類都有，真係任君選擇，而且價錢都好合理，30幾蚊就已經可以揀到兩餸一麵嘅配搭，而今次小編就揀咗佢哋嘅套餐，做埋貪心鬼事埋佢哋嘅小食🤣
.
🐨金錢肚墨魚春卷幼麵
推薦度：⭐️⭐️⭐️⭐⭐
金錢肚洗得非常乾淨，而且煮到嘅軟硬度亦都啱啱好唔會好韌，而且保持到咬口，另外因為小編揀咗沙嗲汁，所以金錢肚就好瓜汁係滿滿嘅沙嗲味！！！以兩餸車仔麵嚟㗎份量都唔少，一路夾一路夾就發現都有六七件，性價比極高～墨魚春卷就係一個比較健康嘅選擇，因為就係滿滿嘅墨魚，有輕輕調味少少食落彈牙惹味🙂↕️
.
🐨炸雞扒
推薦度：⭐️⭐️⭐️⭐
佢呢度嘅小食款式都好多好似有生菜包、秘製鳳爪、炸雲吞等，但因為小編得自己一個，估計呢類嘅食物應該份量都好多，所以今次就試咗佢哋嘅炸雞扒啦。炸雞扒冇好厚粉，所以食落去有煎嘅香咁而且唔會好油膩，少少薄脆有咬口，雞扒亦都保持到肉汁算係嫩滑。一個人食就啱啱好😎
.
🐨津路烏龍茶
推薦度：⭐️⭐️⭐️⭐️
飲品本身就唔諗住多作介紹，因為都係大眾平時好方便可以買到嘅支裝或者罐裝飲品，但係想順帶一提，原來呢間餐廳係有提供玻璃樽裝嘅汽水，完全係兒時茶記嘅回憶，下次過嚟一定要飲返支啊🥹
——☼——☼——☼——☼——☼——
楊記車仔麵
📍地址：大角咀角祥街53號地下5號舖
🐨推薦度：😋😋😋😋/5
🪸環境：👾👾👾👾
🗣️服務：👍🏻👍🏻👍🏻👍🏻👍🏻
📸食物打卡度：💡💡💡💡
🛠️分類：#HTB大角咀 #HTB港式
.
1
