小時候 (Closed)

喺大角咀誤打誤撞又發現到好正嘅餐廳🤩喺富貴街嘅Childhood小時候 主打西日料理 喺門口行過見到入面牆身位置有勁多酒 望吓Menu又有幾多食物選擇 所以就決定喺呢度解決咗當日嘅晚餐🍴我哋兩個人 叫咗1個burger同4款小食😍勁豐富▫️燒原板木板魚糕賣相好吸引 表面煎至金黃色🟡未食已經聞到好大陣香味 每一片都切得幾厚身 口感彈牙▪️ 脆炸雞翼有4款味道可以揀 我就揀咗至愛嘅鹹蛋黃味😛超級好食 鹹蛋黃味調較得啱啱好 香濃但係一啲都唔油膩 而且炸到好香脆 ▫️脆炸大大粒墨魚咀 平時食墨魚咀都係細細粒 呢個應該係我食過最大粒嘅墨魚咀🦑口感好爽 炸粉唔會太厚 落咗少少椒鹽調味 點埋蛋黃醬更加提升咗個層次▪️燒椒鹽香菇豬肉燒賣 炸燒賣食得多 不過炸香菇豬肉燒賣就真係第一次🤪原來仲正過魚肉燒賣 呢度嘅師傅炸功真係一流 連呢個咬落去都係咔咔聲 餡料都幾飽滿 香菇味尤其突出▫️ 墨西哥包和牛漢堡配薯條 可以自選醬汁 煙燻燒烤醬/山葵沙津醬/藍芝士汁 最後我地揀咗未試過用嚟配搭burger嘅藍芝士汁🍔原來都好夾 生菜蕃茄嘅鮮甜加藍芝士嘅鹹香 完全無違和感 漢堡牛肉大概五成熟 中間粉嫩顏色好吸引 仲好juicy