大角咀呢間「中意餐室」真係抵食到爆炸😍同朋友食佢哋晚市套餐，唔使一百蚊有齊前菜、餐湯、主食、飲品仲有甜品，性價比高到嚇親😛
前菜個胡麻醬冷豆腐滑捋捋，芝麻醬香到呢😚跟住個南瓜忌廉湯濃到掛羹，飲完成個身暖笠笠☺️朋友嗌咗西西里汁豬扒滑蛋蓋飯，塊豬扒煎得啱啱好，滑蛋仲流緊心💓撈埋個酸酸甜甜嘅西西里汁，佢話好食到想舔碟😆
我嗰份鐵板黑椒西冷牛扒先係戲肉！七成熟切開肉汁爆出嚟嘅時候，個黑椒汁「咋」一聲，香到隔離枱都望過嚟😍薯菜吸晒啲肉汁，正到呢😝飲品都唔馬虎，我杯桂花烏龍茶清香解膩，朋友話玫瑰烏龍飲完成個人仙氣咗🥰
最後竟然有甜品芒果布甸🥭！濃郁芒果味！口感滑溜😋食完飽到捧住個肚走，呢個價錢喺而家香港簡直係神級！
1
