1
串燒丼飯B餐(鷄翼, 豬頸肉,厚切牛舌心）
1）雞翼：雞翼皮脆肉嫩，咬開嘅時候都仲有肉汁，又脆又香好惹味👍🏻
2）厚切牛舌心：燒到好香，加咗少少黑椒同海鹽調味好惹味，口感爽口，肉汁juicy，好有牛味，咬落有油香😍
3）豬頸肉：外皮燒到好香，唔會太肥，好有咬口。
精選一人餐 （鱈魚乾，鷄翼，軟骨鷄肉棒，黑豚蘆筍卷，極品牛舌心，冬菇，茄子，翠玉瓜，汁燒豆腐，芝士年糕）
1）鱈魚乾：口感香脆惹味，除咗鹹香中帶點魚香味同醬油味，點埋沙律醬同七味粉食非常夾🤩
2）軟骨鷄肉棒：外皮燒香，內裏係軟骨鷄肉，好有咬口，如果加返隻日本蛋，做月見雞肉棒會更吸引
3）黑豚蘆筍卷：蘆筍爽口，薄切豬肉包住蘆筍，蘆筍吸收左豬肉的肉汁和香味。
4）冬菇：厚肉juicy ，只係簡單用鹽調味就可以食得出菇嘅原汁原味。
5）燒茄子🍆：茄子加咗少少燒汁同黑椒，外皮脆內軟又唔會太淋。
6）翠玉瓜：翠玉瓜燒香後爽脆，不過就唔夠多汁。
7）汁燒豆腐：豆腐炸到外脆內軟，加咗燒汁同木魚絲非常有日本風味。
8）芝士年糕：好靚金黃色，外面香脆，咬落去爆出芝士醬汁，好creamy，鹹鹹地又有少少甜，推薦👍🏻
整體來講，食物質素不錯，服務態度親民，適合三五知己飲酒吹水。
