越旺美食 (Closed)

呢間餐廳好多人光顧，又有單點又有套餐大件夾抵食我地揀咗C餐（$240）成個餐嘅份量都好足，3個人share食都得！ 越式豬頸肉（原價$60）豬頸肉外皮微脆，唔會太熱氣，味道不錯，勝在足料，一份有20塊切片豬頸肉邊位燒得好香口。就算唔沾醬一樣夠味 紅燒排骨份量好多，排骨似好入味，好淋馬拉盞炒通菜（原價$63）份量係平時食嘅幾倍，好抵食，通菜新鮮爽脆，馬拉盞炒微辣惹味成碟菜係炒到好香口，夠鑊氣主食揀咗蝦醬炒飯，佢嘅蝦醬係越式，唔同我哋中式食嘅紫色蝦醬，好易入口另加一個越式酸辣鳳爪，入口爽脆少少辣，帶酸甜及惹味套餐包兩杯嘢飲，凍飲加$3，升級特飲半價。三色冰珍多冰椰汁香濃，好有咬口。