My Ahjussi (Closed)

朋友搬左去大角咀住，呢日去探佢，佢就帶左我去附近既韓國餐廳到食dinner。呢間餐廳裝修得好靚，好夢幻既感覺。打開餐牌，見到啲野食都幾抵食，而且選擇都好多。食主食之前就食啲前菜先！我地點左軟殼蟹忌廉汁意粉，軟殼蟹好大隻，炸到好香脆，一啖咬落去索索聲，入面都有幾多蟹肉，而且仲好有鮮味！另外，仲有呢個韓式五花腩飯，五花腩煮到好腍好入味，泡菜唔算太辣，適合香港人口味，餸白飯一流！我地仲點左個黑松露薯條做小食，薯條香脆惹味！