上海老家 (Closed)

大角咀小店多，今次就試下呢間家庭式上海菜館。酸辣湯麵🍜酸辣湯味道勝在開胃，拌埋麵條食更加一流。用料豐富濃稠度剛好。將所有食材切絲，一匙湯羹經已包含肉、筍、木耳、豆腐、香菇、紅蘿蔔同河蝦蛋花在內。先連續來幾口熱湯，入口酸，回味有種温文辣度，仲有點胡椒香氣。麵條掛湯後感覺滑嘟嘟，更多左一層香辣滋味。🥢回鍋肉帶爽脆質感既五花豬腩片肉勻切夠薄嫩，加埋甜麵醬同辣豆瓣醬夾埋本身豬油灒酒爆炒，上碟有一種剛勁既油重味濃效果。回鍋肉配上紅綠燈籠椒、椰菜切角，乾葱頭，豆腐干切片炒香原汁原味，賣相不單止吸引，菜同肉都特別吸汁惹味。🥢皮蛋豆腐 滑溜豆腐帶濃郁豆香，皮蛋甘香鮮味配埋自家秘調醬汁，突出兩者既甜香，值得一試！🥄桂花酒釀湯圓 桂花跟蛋花散落得好優雅，桂花清香雅淡，夾雜住甜酒釀，沒有酸味，甜度、酒香亦恰到好處。黑芝麻湯丸兩粒，麻蓉餡香滑濃郁，口感軟糯QQ的！