RuRu Tapas Restaurant (Closed)

大角咀美食不缺，今日黎到呢間以西班牙菜做主打既餐廳。裝潢簡單沉實，以黑白為主調，有格調，同身處既舊區都形式幾大對比。［西班牙芝士拼盤］有松露芝士、鹹芝士同藍芝士。當中最喜歡既係松露芝士，淡淡松露味同芝士味配合得好好。後兩者味道就較為濃烈，可以配合脆多士一齊食。好喜歡伴碟既杏仁片同提子乾，增加口感。［紅酒辣肉腸配麵包粒］辣肉腸切成大大粒，咬落幾煙韌有口感。醬汁有淡淡紅酒味，好特別。脆麵包粒點紅酒汁好好味。［肉醬螺絲粉］當中用左Iberico Ham，黎自一種西班牙黑毛豬，係當地其中一種傳統醃製火腿，味道好濃郁。肉醬有大量蕃茄醬、免治豬肉、加上芝士，口感一流。螺絲粉好彈牙。［Wild Lady & Before 12］下午就唔飲酒住，揀兩杯non-alcoholic啦😆前者有好濃郁既strawberry同cranberry味，比較厚身；後者係模仿Champagne既狀態，利用angostura bitters做出少少苦澀味，sugar cube 做出帶氣既效果。