麥金.麥金馬來西亞特式茶啡室 (Closed)

朋友好少食馬來西亞菜，今日我地就去左位於大角咀的麥金.麥金馬來西亞特式茶啡室 食Lunch 。餐廳環境光潔明亮，裝飾懷舊，牆上掛了東南亞風景油畫和字畫，有當地特色，充滿馬拉的氣氛。怡保雞絲米粉麵底可自由選擇，我選擇了米粉，米粉份量都夠多，米粉彈牙掛湯一流，配料有魚片、蝦、韮菜、芽菜、雞絲、湯底雞湯味濃郁，個湯好好飲，而且雞絲夠入味。馬來辣椒板面麵底一樣可以自由選擇，朋友選擇了河粉，河粉上鋪滿了滿滿的配料，有肉碎、花生、炸蒜、炸魚仔、辣椒粉、半熟蛋，把半熟蛋戳破之後，將佢撈勻一齊食，鹹香味濃郁之外還帶著辣味，超好吃。椰香咖央多士+鮮牛油即叫即製，要襯熱食，多士外脆內軟，加上厚切牛油和椰香咖央醬，甜甜地又咸咸地，味道有層次，好邪惡。檳城白魚蛋魚蛋爽口彈牙，加上上面既醬，辣辣地好惹味。美祿特飲（熱）& 美祿恐龍（雙倍份量）（凍）以到既飲品可以升級雙倍份量，美祿恐龍超級超級大杯，冰上面加上了大量美祿粉，味道濃郁又不會過甜。