La Vigne (Closed)

大角咀，呢個係市區既孤島，明明係好近旺角，但最可惜就係冇地鐵到，令到呢到成為自成一格既覓食地。其實，旺角唔算多人，只不過係地方唔夠大啫，所以你唔會揸車去旺角，但係，😏，大角咀，泊正正係大街，成個幾鐘都冇呀蛇，就算冇錶位，又如何...！（但我唔鼓吹亦唔鼓勵）呢間店門口 5-7，望得到既可以放3,4架既。但成條街左右都有車亂泊，hehe。講返食物先，呢間餐廳，意式味道，有意大利飯，但冇 pizza。睇過之前既食評，的而且確，好豐富，百零蚊，包沙律，餐湯，蒜蓉包，主菜，餐茶，仲有甜品。於是乎叫咗個安格斯牛排試下啦！賣想好好呀！用石板裝上，格調一流。唔係一般鐵板餐，但要留意，唔好諗住五成熟，塊石板唔會有餘溫可以將五成變七成熟。好在我叫左七成。塊排大到食唔晒，有薯蓉，係夠食既。可惜既係，未有酒牌，如果可以配一杯仔紅酒，就更佳，可能仲係新啦。希望呢間店越做越好啦，因為呢到既服務真係好到加零一。餐飲都可以㨂即磨咖啡，正