身為大角咀街坊既我，真心推介依間性格比好高既上海菜，價錢平民化而且好味。前身為「慶麵」，新舖比之前更大，配以落地玻璃，更舒適寬敞。想再食到佢地主打既慶麵，就要黎慶記啦🤗
《香酥排骨慶麵》（$52）
慶麵麵質偏彈牙，有口感👍🏻排骨炸至香脆，係偏乾身左少少，但好香口，肉質鮮嫩！
《口水醉雞卷》（$34/8件）
推介依款小食！雞卷以雞皮包住，內裡啖啖肉，再配上口水汁，辣得黎好惹味，非常好味！唔食得辣既朋友都可以一試，唔算好辣。略嫌醉雞卷食唔出酒味，可能個口水汁cover左個味道。
《特色山葵醬雞絲冷麵》（$40）
好欣賞佢地既山葵醬，係有D似混入wasabi味既沙律醬，個人好喜歡！凍食麵質更爽口彈牙，配上青瓜絲，更添口感。雞絲同青瓜絲配冷麵真係冇得輸🤩
