上海老家 (Closed)

大角咀中匯街有好多餐廳，街尾有一間上海餐廳。我本身好中意食上海菜，今晚一於試下佢。餐廳裝潢以木色為主，感覺較平民化。價錢屬中至中上，有特式上海美食亦有各款穫氣小炒。炸豬扒擔擔麵 ($65): 豬扒酥脆鬆軟粉漿皮薄，擔擔面花生味鹹香濃郁，配埋蔥粒同肉碎錦上添花。擔擔面口感偏硬身，非常掛湯汁。欖菜肉碎炒飯 ($78): 炒飯非常有鑊氣，米飯粒粒分明粒粒企身，加入欖菜、肉絲同埋菜粒一齊炒非常惹味，飯嘅分量超級多，一大碟最後食唔哂要打包。西洋菜上海雲吞($60): 大大粒上海雲吞皮薄餡靚，而且非常足料每粒都好巨型。但呢度嘅菜式有一個共通點 - 偏鹹。如果可以少d鹽唔好咁重口味就更加健康喇！食雲吞竟然冇俾埋鎮江香醋，呢點有少少扣分。酒釀湯圓($48): 酒釀味欠奉而且個糖水底偏甜，湯圓面嘅芝麻餡竟然冇流沙，有少少失望。但整體來講都唔錯嘅。