走入餐廳，熱情的老闆娘為我們介紹各款海南雞套餐。
白雞拼燒雞飯套餐
套餐價再加$5可一次過試勻白雞、燒雞。白雞做法偏向星馬style，雞胸肉亦見嫩滑，但醬汁略淡；燒雞則表現平平，不算特別。套餐配以油飯，米飯軟熟，而且甚有雞油香，不俗。另有油菜、飲品或細肉骨茶。
細肉骨茶
比起其他餐廳，呢個肉骨茶飲起來比較有層次，老闆娘話佢哋嘅肉骨茶添加咗羅漢果，飲落帶有少少甜味，仲有清熱潤肺的功效。
雖然只係細盅，但湯料入面有豆卜、排骨，幾入味，讚！
叉燒略見油香，整體水平一般。
油菜
唔記得叫走油添，不過都好爽甜的。
牛油果汁
鮮榨牛油果汁幾天然，惟牛油果有啲未夠熟，所以有少少澀。
留意番，餐廳逢星期三休息，不要摸門釘喔！
