Video
Read full review
2020-11-28
30 views
近年大角咀多咗好多特色餐廳酒吧，雖然地理位置真係有啲偏又唔就腳，但可以話多一份探秘尋寶感覺，放工想隔絕繁囂入嚟Chill下都唔錯！朋友介紹呢間小店位於利奧坊，單睇外內環境裝潢，一個字就係「型」呀﹗以黑白為主調，中庭大柱以粗體簡約線條來掩飾其突兀，的確係高招~水泥地配不鏽鋼檯，型之中帶啲慵懶感。首先試嘅係Ka Shin Street，一入口有好清新嘅青瓜味，加埋接骨木花有種淡淡甜香，飲落成個人都醒一醒，而且gin唔會太濃烈，岩晒不勝酒力嘅女士們。跟住呢道Burrata Cheese, Parma Ham前菜真係令我哋嘩出聲，最鍾意新鮮製作，充滿奶酪醇香嘅芝士，口感柔軟入口即化，而火腿鹹香恰度好處，唔會掩蓋原本肉香，將火腿拌勻粘稠嘅芝士一齊食，每一啖都係享受！跟住戲肉就係日式串燒啦！先上5道採用日本產無激素雞，精心挑選嘅刁鑽部位，有雞胸軟骨、雞皮、雞肝、雞腎、雞心喉，款款坊間少見，侍應特別介紹雞胸軟骨，話全雞只有一條，非常罕貴，而口感爽脆帶有嚼勁；雞心喉又係人生第一次試，口感脆身有獨特甘香，要讚佢哋嘅自家燒汁，微微香甜令味道更多層次。跟住有免治雞棒，配以黃澄澄嘅鮮蛋黃同醬油都係必試之選！雞
近年大角咀多咗好多特色餐廳酒吧，雖然地理位置真係有啲偏又唔就腳，但可以話多一份探秘尋寶感覺，放工想隔絕繁囂入嚟Chill下都唔錯！
朋友介紹呢間小店位於利奧坊，單睇外內環境裝潢，一個字就係「型」呀﹗以黑白為主調，中庭大柱以粗體簡約線條來掩飾其突兀，的確係高招~水泥地配不鏽鋼檯，型之中帶啲慵懶感。
首先試嘅係Ka Shin Street，一入口有好清新嘅青瓜味，加埋接骨木花有種淡淡甜香，飲落成個人都醒一醒，而且gin唔會太濃烈，岩晒不勝酒力嘅女士們。
跟住呢道Burrata Cheese, Parma Ham前菜真係令我哋嘩出聲，最鍾意新鮮製作，充滿奶酪醇香嘅芝士，口感柔軟入口即化，而火腿鹹香恰度好處，唔會掩蓋原本肉香，將火腿拌勻粘稠嘅芝士一齊食，每一啖都係享受！
跟住戲肉就係日式串燒啦！先上5道採用日本產無激素雞，精心挑選嘅刁鑽部位，有雞胸軟骨、雞皮、雞肝、雞腎、雞心喉，款款坊間少見，侍應特別介紹雞胸軟骨，話全雞只有一條，非常罕貴，而口感爽脆帶有嚼勁；雞心喉又係人生第一次試，口感脆身有獨特甘香，要讚佢哋嘅自家燒汁，微微香甜令味道更多層次。跟住有免治雞棒，配以黃澄澄嘅鮮蛋黃同醬油都係必試之選！雞棒燒炙到微微焦香，外脆肉juicy,，加埋濃稠嘅蛋黃汁，真係夾到絕！
接力有墨西哥小食—燒八爪魚及炸墨西哥青椒。燒八爪魚混合多種地道香料炮醃製，帶微酸好開胃，而且好爽口Q彈又唔韌，而青椒炸到金黃香脆，一咬入面係濃香四溢嘅車打芝士，真係好有驚喜！
最後當然唔少得甜品，造型靚到我受寵若驚，一啲都無誇張！蘋果金寶伴雪糕成日食，但成個雪糕筒插住上真係第一試，造型fantasy 又有霸氣，忍唔住瘋狂打卡！味道都係一流，焗到外層脆卜卜，內裡係熱辣辣嘅蘋果塊加士多啤梨醬，中層係好似帶有鹹蛋香嘅吉士，最係係好鬆軟嘅蛋糕，一啖就試到咁多層次嘅味道，真係好滿足～
Post
