紅燒牛肉湯麵
湯底濃而不膩，又唔會油淋淋，牛𦟌軟腍適中
最好食係個手工刀削麵，煙煙unun,有咬口😋
鹽酥雞扒藥膳湯麵
雞扒好大塊，外皮炸到卜卜脆，裏面嘅 雞肉就嫩到出汁，加上佢嘅調味料，淨係雞扒已經食到停唔到口！另外配上藥膳雞湯嘅手工麵， 個雞湯清澈得嚟又飲到佢嘅藥材風味，食完炸嘢飲返呢一個湯真係非常適合。
素鹽酥雞
第一次食素嘅鹽酥雞
比較乾身，但係入面真係好似雞肉咁有一絲絲嘅質地，加上炸左再加埋調味料真係幾可亂真，想食鹽酥雞又想減少DD邪惡感嘅話都係一個唔錯嘅選擇
香芋地瓜球
每次見到有香芋地瓜球我都必點🤣🤣最鐘意啲軟軟糯糯嘅野，仲要有埋甜甜地嘅芋蓉係入面～呢一餐非常圓滿🥰
凍甘橘蜜話梅水 ＆ 無糖茉莉綠茶
起初見到個杯只有一粒話梅，以為個甘橘蜜味會重啲，原來個底係有話梅碎架～整體飲落好有話梅味，酸酸甜甜得黎又帶有少少咸味，夏天飲都唔錯架！
因為依一個係無糖嘅茉莉綠茶，所以好清楚咁樣飲到佢嘅茉莉香味，鍾意飲茉莉味嘅人一定要試下！
