3
‣ 特惠關西壽喜燒二人前 $524
1
‣ 日本國產牛牛頸脊&美國頂級牛頸脊壽喜燒黑松露燉飯
牛肉真係超級正，有專人幫我哋燒咁就包保唔會浪費咗塊牛，生熟度啱啱好，入口極之嫩滑，吸引到不得了，蛋漿係將塊牛嘅嫩滑度推到極致。認真我覺得兩塊牛都好好食，唔使額外加錢就有呢個質素我都好滿意。
黑松露燉飯奶味真係極濃郁，而且散發住絲絲黑松露嘅香味。而且餐廳好細心，店員會問你需唔需要將剩低嘅蛋液加埋落去，咁就一啲都唔會嘥咗佢，然後個燉飯仲會有蛋香味，如果唔係食到有啲飽我真係會食晒。
‣ 雞皮餃子
小心啲雞皮餃子真係超級爆汁，所以食嘅時候唔好咁急同埋攤凍啲，如果唔係真係驚焫親個口。但雞皮餃子真係相當之好食，香脆而且散發陣陣雞嘅油香味。
‣ 甲羅燒多士
上枱嘅時候又係要小心啲，因為真係好熱，一個唔小心就好容易俾蟹膏焫親。甲羅燒係要加少少錢，但係我都覺得值得食，份量唔少，食晒四塊多士都仲有唔少剩，就咁放入口真係超幸福。
‣ 士多啤梨&石榴水果茶
我自己都幾鍾意呢一杯士多啤梨同石榴水果茶，餐廳好貼心仲可以俾你揀茶底。佢話士多啤梨味濃郁得嚟，又唔會話浸味好假，飲落口都係好舒服，當然冇青檸咁酸，但係飲吓飲吓好快就飲晒。
‣ 青檸梳打
如果有啲朋友好擔心黑松露燉飯太膩，咁就可以試吓飲青檸梳打，完全幫你開胃，清新解膩。
‣ 自家製海鹽忌廉法式焦糖布甸
我覺得餐廳喺甜品方面都幾有心機，上次食咗個刨冰，又係有好多唔同嘅材料喺入面。今次食布丁，簡簡單單但係覺得個蛋味都幾出，而佢上面嘅海鹽忌廉都幾好味，鹹香適宜，呢點幾加分。
2
