喇沙 (Closed)

尋日收工去大角咀搵食。行到去金船長見個筍位俾人reserved，於是冇入去幫襯。行多幾行見到間laksa，心諗冇乜幾何食東南亞嘢，於是入去試吓。間舖入面啲位其實唔算好坐，不過夠晒光猛。兩個人都唔叫得幾多嘢食，叫咗一碗參巴喇沙，一客咖哩牛腩。牛腩有飯跟，我哋加多五蚊轉做麥餅。喇沙普通，湯底味道唔濃，少少辣，好多雞絲（可以揀要海鮮）。個人都係覺得潮州粉麵第一，其次係越南牛河。咖哩十分香，不過椰奶味都幾重；配飯或薄餅都係一流。啲餅牛油味好重，食落好香口。牛腩炆得好淋，個味亦都唔辣。估唔到大角咀入面幾條街都咁多嘢揀。