上海老家 (Closed)

大角咀愈嚟愈多餐廳，一排無去都多咗好多新景象。今次去大角咀就係去食我好耐無食嘅上海菜，位置有少少遠但搵食就係要捐窿捐罅㗎啦！蒜泥白切肉中菜嘅冷盤好多選擇而重口味嘅我就好愛蒜泥白肉，滿滿蒜蓉鋪面，白肉薄切配上生蒜泥食落超爽，底下仲有青瓜絲可以撈埋啲蒜泥食更清爽。三鮮炒年糕上海菜無理由唔食炒年糕，呢度一碟嘅份量都夠2-3人分享。三鮮有蝦仁、雞肉粒同埋火腿片，夾埋年糕食提味好多，年糕煙韌度剛好帶點軟糯，唔會難消化。冬菇津白飲食均衡叫多咗碟菜食，津白份量超多，菜好清甜加埋個勾芡添咗點咸鮮味，冬菇片唔多但都點綴到個菜式。炸饅頭到我最愛嘅炸饅頭，炸到金黃色再點煉奶真係超無敵，饅頭仲幾軟熟而我就偏向炸到更脆口個種，食落過癮啲。