Video
Read full review
2008-07-13
24 views
12-7-2008幾位曾經幫襯的食友都對呢度讚不絕口, 呢日一行勁多人專程入0黎食餐飯. 山長水遠入到0黎「大西北」, 相信大家都同我一樣, 為食之餘亦對呢間客家菜館抱住幾大的期望, 結果雖然未至於驚為天人, 但絕對無失望:- 客家鹹雞: 層皮薄薄的, 帶輕輕的鹽水味, 雞肉不論脾位或雞胸一樣極腍滑, 非常好食. 推介!- 酥炸三拼 (炸大腸, 腰肝卷及荔茸卷): 以荔茸卷最好食, 芋茸幼滑, 十分鬆化, 完全唔油唔膩, 諗起 Intercon 中菜廳的芋頭酥盒 (詳見 http://www.openrice.com/restaurant/commentdetail.htm?commentid=1914111)! 食了一件去了肥的炸大腸, 脆卜卜無臊味, 蘸上酸甜汁, 幾好食.- 後來追加了一碟淨炸大腸, 就食了一件肥一點的... 呢個無咁脆口, 但較熱又較鮮 (而非「臊」), 較對口味.- 蒸蘿白丸: 係蘿白絲 + 肥豬肉丸, 仲有少少蔥花, 賣相平凡, 但味道好驚喜 -- 十分清甜, 幾軟熟但又有少少彈口, 係超級好食! 極力推介!- 老酒煮豬雜: 「原來」係老酒煮,
幾位曾經幫襯的食友都對呢度讚不絕口, 呢日一行勁多人專程入0黎食餐飯. 山長水遠入到0黎「大西北」, 相信大家都同我一樣, 為食之餘亦對呢間客家菜館抱住幾大的期望, 結果雖然未至於驚為天人, 但絕對無失望:
- 客家鹹雞: 層皮薄薄的, 帶輕輕的鹽水味, 雞肉不論脾位或雞胸一樣極腍滑, 非常好食. 推介!
- 酥炸三拼 (炸大腸, 腰肝卷及荔茸卷): 以荔茸卷最好食, 芋茸幼滑, 十分鬆化, 完全唔油唔膩, 諗起 Intercon 中菜廳的芋頭酥盒 (詳見 http://www.openrice.com/restaurant/commentdetail.htm?commentid=1914111)! 食了一件去了肥的炸大腸, 脆卜卜無臊味, 蘸上酸甜汁, 幾好食.
- 後來追加了一碟淨炸大腸, 就食了一件肥一點的... 呢個無咁脆口, 但較熱又較鮮 (而非「臊」), 較對口味.
- 蒸蘿白丸: 係蘿白絲 + 肥豬肉丸, 仲有少少蔥花, 賣相平凡, 但味道好驚喜 -- 十分清甜, 幾軟熟但又有少少彈口, 係超級好食! 極力推介!
- 老酒煮豬雜: 「原來」係老酒煮, 真係睇返菜單先知, 因為聞落食落都唔覺有酒香, 又唔係好覺有豬雜鮮... 食了一塊薄切豬潤, 一般爽又苦苦澀澀的, 唔好食; 薄切豬心就好少少, 但得個爽字, 無味道.
- 缽仔飯 (跟豬油及... 頭抽?): 都幾大缽0下 (仲要加埋豬油!), 結果決定兩個人 share 一缽... 面頭有兩條銀魚仔, 撈上少量豬油及甜甜的頭抽, 都好難唔香唔好食, 唔錯唔錯.
- 鹹菜黃豆涼瓜西施骨湯: 一大煲上的, 一向怕食苦瓜, 但呢個湯飲落甘甘涼涼, 苦瓜亦完全唔苦, 消暑勁正. 鹹菜腍腍的, 連湯渣西施骨都唔硬, 意料之外. 唔錯唔錯!
- 梅菜扣肉: 呢個真係... 肥的又香又化, 瘦的亦鬆化入味, d 汁甜甜的好0岩送飯, 但實在太凍了 (外層係「唔熱」, 味道其實不錯, 但中間直程「凍」的!), 勁掃興!
- 煎釀豆腐涼瓜: 又係一煲上, 賣相同味道都同西施骨湯好似... 豆腐煎香了再煮, 腍滑又帶少少焦香, 不錯; 呢個苦瓜就真係苦了, 放棄了, 反而釀0係中間的豬肉餡幾好食, 鮮味又清甜; 湯底係魚湯 (?), 少少油膩, 但幾清甜, 不錯.
- 冬瓜封: 俾個名搞到一頭霧水, 原來係上湯 (?) 炆大舊冬瓜, 切件 serve... 冬瓜軟腍得快要變「茸」了, 味道清甜, 好好食. 好似好簡單的一個菜, 佢都做得咁鬼好食, 勁!
- 酒糟蕃薯糖水: 個人覺得呢個係全晚最唔好食的一樣, 除0左酒糟味唔知去晒邊之外, 蕃薯亦唔粉又唔腍, 食落似青瓜般 sok sok 聲, 食了兩啖就放棄了.
- 客家茶粿(鹹/甜): 一向偏好客家鹹茶粿, 貪佢味道似細個食開的福建「菇」, 呢度的亦得, 熱熱的, 蝦米/冬菇/豬肉碎/筍 etc. 餡料亦味美; 層皮幾厚, 好黏, 食友 J 話覺得唔夠煙韌, 我則覺得 ok. 可惜食到最後已飽到上心口, 呢個鹹茶粿只食了一啖就投降了 -_-"
- 仲有糯米酒: 飲了一個 "shot", 不過零研究的關係, 都唔敢講太多.
其實仲有鹹菜黃豆炆門鱔, 不過我無食.
坐了入房, 環境乾淨好坐, service 好, 加埋唔錯的氣氛, 呢餐飯食得好開心.
埋單 $140 一個頭, 唔算好平, 即使食物唔係十全十美, 仍然係好食的, 而且抵食. 來回搭了差不多 3 個鐘車, 都值得. 多謝晒食友 I 的安排!
(亦要多謝食友 J 教我搭車返屋企, 大鄉里的我還是第一次搭西鐵... 哈哈!)
Post
