Video
Read full review
2021-10-24
245 views
第一次食鐵板燒，揀左間近近地，位於元朗既呢間餐廳。見新開無耐，位置又就腳，就約埋朋友黎試下佢地既dinner set。先黎既沙律係parma ham包住蘆筍，伴左少少水果係底，簡單又清新，哈蜜瓜都好甜。前菜勁特別，咁細隻蟹我都係第一次見，仲炸到脆一脆，成隻都食得添。南非鮑魚燒得剛剛好，本身已經香甜彈牙，加埋個醬汁吊出鮮味，而且唔會過咸，幾好。大虎蝦個size真係有番咁上下誇張，d肉都係爽口彈牙，醬汁用左蝦膏去煮，香甜又有鮮味😍帆立貝燒得外層焦香，內層軟滑，亦夠鮮甜，醬汁係海膽忌廉汁，不過我覺得呢個醬既味就略為重左d，再淡少少應該可以更突出到帆立貝既甜味。喜知次既魚肉好滑，魚皮燒得香脆，配上明太子醬，帶出到鮮味同咸味，幾好食👍鵝肝真係不得了，甘香肥美，入口即溶，滑到不得了😍燒脆左既麵包吸左鵝肝既油，變得更加香。美國封門柳有咬口，有肉汁，唔會鞋口或者痴牙，係好食既👍最尾仲有個炒飯同魚湯。炒飯正正常常，魚湯就煮到奶白色，而且好香好濃郁，熱辣辣飲好舒服。甜品既開心果雪糕超驚喜～個開心果味好濃郁，又唔會太甜。加上師傅送既砂糖多士，係一個好好既ending~
先黎既沙律係parma ham包住蘆筍，伴左少少水果係底，簡單又清新，哈蜜瓜都好甜。
前菜勁特別，咁細隻蟹我都係第一次見，仲炸到脆一脆，成隻都食得添。
南非鮑魚燒得剛剛好，本身已經香甜彈牙，加埋個醬汁吊出鮮味，而且唔會過咸，幾好。
大虎蝦個size真係有番咁上下誇張，d肉都係爽口彈牙，醬汁用左蝦膏去煮，香甜又有鮮味😍
帆立貝燒得外層焦香，內層軟滑，亦夠鮮甜，醬汁係海膽忌廉汁，不過我覺得呢個醬既味就略為重左d，再淡少少應該可以更突出到帆立貝既甜味。
喜知次既魚肉好滑，魚皮燒得香脆，配上明太子醬，帶出到鮮味同咸味，幾好食👍
鵝肝真係不得了，甘香肥美，入口即溶，滑到不得了😍燒脆左既麵包吸左鵝肝既油，變得更加香。
美國封門柳有咬口，有肉汁，唔會鞋口或者痴牙，係好食既👍
最尾仲有個炒飯同魚湯。炒飯正正常常，魚湯就煮到奶白色，而且好香好濃郁，熱辣辣飲好舒服。
甜品既開心果雪糕超驚喜～個開心果味好濃郁，又唔會太甜。加上師傅送既砂糖多士，係一個好好既ending~
Post
