翡翠一品 (Closed)

母親節諗唔到食咩，諗起大街有間點心新開，就一於去試下新野，點知鋪頭本身好細間，7點去到都要排隊，等兩張檯都等左差不多20分鐘先可以入座，估唔到新店都要排咁耐。點心不過不失，比較得意係見到有排骨蒸烏冬，係其他點心店都無見過，算係幾創新，意外地烏冬蒸完唔會成PAT野，反而吸左排骨味仲好食，呢個可以一試。其他點心都正常啦，以呢個價錢有呢個質素都差不多，鳳爪煮得夠軟夠入味，不過有少少辣；可惜奶黃包唔夠流心，扣少少分，但入面有一舊鹹蛋黃，所以都叫可以試下既。