大街小館 (Closed)

又一間糖水舖選擇通常食完飯都會想食個糖水，甜品係第二個胃。今日就去咗食飯後糖水，都好多選擇。叫咗芒果雪山甘露：有芒果冰、芒果肉及小丸子。原來非常之大碗，足夠兩個人食。丸子夠煙韌，而且啲芒果冰夠綿。芒果肉亦都幾甜。另外，再叫咗比較養顏嘅椰皇燕窩燉蛋白，唔會太甜，而且又熱又滋潤，幾香蛋白味。再加咗個我鍾意食嘅糖不甩，一客有好多粒，夠多糖，又多椰絲，丸子暖笠笠。而且價錢合理，味道又唔錯，真係不失為一個好地方。