老趙廚房

成日都想去呢到食但老公話lunch要加一好唔抵🙄因為係門外睇唔到lunch有啲咩食，所以我膽粗粗走入去問🤣

焗豬扒飯(正價$58,推廣價$50)
有驚喜鮮茄黎！啲茄汁唔係好甜，好正啲芝士都有拉絲🙈啲豬扒厚過我部iphone咬落有豬扒味，同埋係冧架💓
唔係炒飯底，白飯撈茄汁仲好食😋個份量好夠飽！

推廣價$50包熱飲！

$50

胡椒豬肚雞
呢個好少地方有得食，所以老公即刻睇中。
好香胡椒湯再加芹菜嘅加持好好飲，唔係味精湯，雞都算滑，都有8件豬肚如果再冧啲就好。

包湯包熱飲！

$58

例湯
應該係粉葛湯，可能因為有胡椒湯嘅比較，例湯就遜色左啲，唔係好夠味。

應該係粉葛湯

凍檸茶
茶底同檸檬都好飲，不過真係好多冰，飲到一半溶冰就開始淡。所以將啲冰俾咗我🤣

熱柚子蜜
我個杯就甜到爆加多杯水變2杯，岩岩好🤣超抵飲。仲要跟熱價唔洗加錢

個柚子蜜勁甜，加多杯變2杯🤣

環境
地方原來都幾大，枱面地下都算好乾淨，只係見到啲暗角位有紙巾個啲攝左入去。
同埋坐得都舒服嘅，因為係打邊爐枱，啲枱同位都好闊。

服務
午市開始人多，佢哋得幾個人忙到踢晒腳，落單好快，送餐都好快，不過漏咗碗湯，我哋都食完飯先追，佢哋都好好，好快就拎咗過嚟。