斗滾 (銀座38) (Moved) New Location

首先，已經聽講呢間餐廳好難book位，於是前一晚就book咗第二日嘅21:00。入到去已經好多人食緊，然之後佢係有四個step。第一個Step就係食雞煲，雞煲好夠味重口味人士一定好鍾意，我哋都encore咗一次。第二個就係海鮮拼盤，細胃人士嘅我表示已經開始飽飽地，但佢係有好多種海鮮有得食，建議雞煲唔好食咁多，留肚食海鮮。第三樣就係打邊爐，唔使講去到呢個位基本上已經食唔到好多嘢，但我飲咗佢個湯底覺得都好好飲，啲牛都可以。最後我哋糖水冇食到就走咗，建議餓一日先好去食。