廣東茶居 (Closed)

懷孕三個幾月，一直無咩胃口，難得今日行街想食d酸甜嘢，就來到年前幫襯過的廣東茶居。由於四點幾，唔使等位，都可以入卡位坐，幾舒服。首先叫了最喜歡的冰梅烤小骨，酸甜惹味，為孕期的我增添了不少胃口。贊！排骨上都有不少肉。點心亦叫了至愛的叉燒酥和蝦餃。雖然幾乎10文一粒，不過睼蝦餃及叉燒酥的質數，都算抵。老公叫了粟米班腩，個人覺得一般般吧，無咩出彩，不過都可以緩解一下冰梅烤小骨的酸。我哋兩人還叫了一碗鮮蝦雲吞面，可惜上的超快，落佐單無五分鐘即刻上佐，在未食主菜之前一填飽了些肚子……總的來說還不錯，因為是下午四時，服務員有些hea，叫佐幾次加水無人睬我哋……小小失望之處。最後買單331。