湘川滬 (+WOO嘉湖二期)

Open Now

Now Closed

朋友最鍾意食上海野，今晚約咗食飯梗係食上海菜啦。去咗天水圍嘉湖商場，搵到呢間上海菜環境好闊落，餐廳門口都有座位。呢度嘅天花板係玻璃天幕，晏晝嚟食環境一定唔錯。我嘅上海菜之選：砂鍋雲吞雞！😍😍😍湯底夠鮮甜，配上好多娃娃菜夠晒健康！雲吞數量都好多，兩個人食唔晒。半隻雞上，雞肉唔算好滑，不過都可以接受。上海炒年糕咁大碟@@好抵食！醬汁味道唔錯，年糕有咬口得來唔會太硬，配菜仲有筍。蟲草小籠包普通嘅小籠包食得多，今次試吓蟲草。感覺好似冇淨係豬肉餡咁油膩，幾清新可以試吓！樣樣餸都好大碟又抵食，可以再嚟！呢度除咗上海嘢食，仲有川菜，食辣都可以黎試吓！