農米莊 (厚福街)

Open Now

Now Closed

呢間餐廳開咗好幾年，但係一直都冇入去食過，今日見有位就入去試吓啦。佢個餐牌都幾豐富，除咗米線之外仲有好多小食選擇，加上而家做緊八周年優惠，小食買一送一，計落真係幾抵！黑蒜雞湯米線黑蒜湯感覺都幾健康，食落去黑蒜味都幾濃，加上雞件份量多得黎又夠滑，推介！爆芝黑松露燒大菇呢個睇個名好有期望，但係見到實物就有啲失望，因為佢唔係燒啡菇，而係整熟咗之後再加黑松露同芝士餡面求其燒兩燒。食落去冇燒菇嘅香味，不過都尚算Juicy。黑金雞翼呢個係佢哋推介嘅雞翼，先將雞翼炸好，再加上佢哋嘅秘製醬汁煮，味道幾特別。三樣嘢埋單唔使$100 ，真係幾抵，不過建議兩個人食，因為一個人食兩個小食真係有啲多。