爆丼丼 (Closed)

日本魚生飯而家好多地方都有，朋友帶我黎呢間爆丼丼食，睇餐牌d丼都非常吸引，而且每一台都有人會叫d丼食，所以我地都叫左一個丼食。餐牌上除左魚生丼之外，亦都可以揀d熟食嘅丼，幾特別，有牛肉鵝肝丼，下次黎一定要試下。叫左個丼之後，每人都有一碗味增湯，味道唔太鹹，幾好飲。我地就叫左個極上生魚丼，有2隻大赤蝦、帆立貝、三文魚腩、油魽魚同埋海膽。每次食海膽我都好驚好腥同好苦，但呢度無呢個情況，算幾新鮮。而其他魚生都新鮮，加上個丼d飯都幾多，幾抵食。另外，我地亦都叫左迷你三文魚帆立貝丼，三文魚雖然無三文魚腩咁油份重，但都幾鮮。帆立貝都一樣咁好鮮甜。我地亦都叫左鹽燒牛舌做小食，即叫即燒，送上台非常香，牛舌肉質好juicy好好食。