大爺燒鵝 (田灣街)

Open Now

Now Closed

大爺燒鵝來到田灣開分店，同香港仔一樣，長期有人喺門口等外賣。我由於住附近，已多次幫襯。主因是田灣無嘢好食，小店無乜特別好食，連鎖店又一間都無，所以大爺受歡迎是可以理解的。我多數是食下午茶，除了燒鵝貴5蚊外，其餘湯麵河賴全都是三十大元，好大碗，夠飽肚，燒味份量足夠，湯底也很濃味，還送熱飲，價錢的確親民。不過以燒鵝為招牌的燒鵝比較瘦、乾和硬；鵝皮也不特別好，好多時一碗粉只有一片鵝皮是合格的，食咗幾次都係咁，非常失望。叉燒和燒肉好些。試過幾次後我已轉為食叉燒或燒肉了。