Video
Read full review
2010-07-27
17 views
吃過了極差態度的銅鑼灣一品香之後, 女友對上海菜產生了興趣。行經大角咀, 兩條友唔知食乜好, 見到呢間野入面好多人一雙一對咁(亞公亞婆)開緊飯。心諗: 一定係街坊, 街坊開飯的地方多數係便宜好吃的, 咪理, 正想舉步入內之時, 女友經已入左去。坐定, 先送來兩杯清茶(色淡), 及洗碗後用來倒水的湯碗。看到筷子用紙巾及像筋扎好, 冷氣夠凍, 地方簡單而整潔。看看餐牌, 十分普通的常見菜式, 但價錢便宜; 最後決定選擇以下的客飯和套餐:紅燒黃魚客飯, 可選豆漿、例湯或酸辣湯, 再加兩個白飯, 最後要了例湯。菜肉雲吞 + 上海粗炒套餐女友又問: 要唔要加多個小籠包? 答曰: 食完唔夠再叫好過啦。(結果係: 白飯只吃了一碗, 其餘都多到差D食唔哂, 一味死頂)各場賽果順序如下:例湯: 菜乾味精水, 極清的水, 唔掂, 好後悔唔要酸辣湯, 估計應該無咁差上海粗炒: 夠火候, 夠鑊氣, 味夠濃, 豬肉絲應該係隔離街市買的, 夠淋夠滑, 不是一般冷鮮的又鞋又死, 炒的不錯, 完全是兒時食到三六九菜館的風味, 而家好少在小店舖食到了, 呵呵…紅燒黃魚: 夠入味, 但偏咸, 用來送飯最好, 魚本身沒有鮮
行經大角咀, 兩條友唔知食乜好, 見到呢間野入面好多人一雙一對咁(亞公亞婆)開緊飯。
心諗: 一定係街坊, 街坊開飯的地方多數係便宜好吃的, 咪理, 正想舉步入內之時, 女友經已入左去。
坐定, 先送來兩杯清茶(色淡), 及洗碗後用來倒水的湯碗。
看到筷子用紙巾及像筋扎好, 冷氣夠凍, 地方簡單而整潔。
看看餐牌, 十分普通的常見菜式, 但價錢便宜; 最後決定選擇以下的客飯和套餐:
紅燒黃魚客飯, 可選豆漿、例湯或酸辣湯, 再加兩個白飯, 最後要了例湯。
菜肉雲吞 + 上海粗炒套餐
女友又問: 要唔要加多個小籠包?
答曰: 食完唔夠再叫好過啦。(結果係: 白飯只吃了一碗, 其餘都多到差D食唔哂, 一味死頂)
各場賽果順序如下:
例湯: 菜乾味精水, 極清的水, 唔掂, 好後悔唔要酸辣湯, 估計應該無咁差
上海粗炒: 夠火候, 夠鑊氣, 味夠濃, 豬肉絲應該係隔離街市買的, 夠淋夠滑, 不是一般冷鮮的又鞋又死, 炒的不錯, 完全是兒時食到三六九菜館的風味, 而家好少在小店舖食到了, 呵呵…
紅燒黃魚: 夠入味, 但偏咸, 用來送飯最好, 魚本身沒有鮮味, 食上海菜就無所謂啦, 邊有鮮味吖, 不過勝在夠滑, 個汁做得十分好, 正！
飯: 拿來兩碗, 請佢收番一碗, 個老闆(我估係啩)話食唔哂由得佢喎, 都唔好咁浪費吖, 最後請佢個伙計收番一碗, 珍惜食物嘛。
菜肉雲吞: 比較失色的一道菜, 俾佢合格, 中規中矩, 但無特別可言, 可能我已經食飽飽, 對住呢碗大大碗共5粒, 粒粒都大大粒的雲吞, 真係望見都飽, 係我對佢有偏見, Sorry～～～
食飽～飽到行唔郁。
晚飯時間, 不斷有食客到來, 唔好意思阻住人地個位, 快快起身埋單。無加一之下只收64財, 真係低食又好味。
總結: 這是一間十分街坊的經濟小店, 完全是舊式上海小館風味, 食完真係想入去廚房望下個師傅係咪70幾歲年紀, 唔係點解個味道咁鬼老上海, 十分的懷舊呢。
我一定會再來的。
Post