一坐低無野做，梗係叫啲小食先啦，韮菜豬紅，不過不失。
我叫卤水鵝片，個阿叔就扲碟卤水鵝"件"黎一野擺低，轉身就走，我差啲叫佢唔住，我同佢講我叫鵝片喎，佢話鵝件都一樣啫，我話成碟都係骨喎！鵝片就啖啖肉，又點會一樣呀，你唔好扲碟"雞"黎同我講話一樣，"指雞為鵝"吖苯！！！
經過一論"妖妖妖嚷"最終我碟鵝 "片" 上枱了。
人齊叫餸！！！蒜蓉粉絲蒸扇貝，椒鹽鮮魷，沙嗲肥牛粉絲煲，豉油皇大蝦，豉椒炒花甲同埋生炒骨。
蒜蓉粉絲蒸扇貝，扇貝蒸到過晒龍縮晒水，
椒鹽鮮魷都幾香口，
沙嗲肥牛粉絲煲肥牛份量幾多不過就偏鹹，
豉油皇大蝦淨係食到兩三隻大蝦，跟住全部都係小蝦，味道是可以的，不過有啲搵笨7😩太小了😩
豉椒炒花甲，過鹹食剩哂，
生炒骨，反而係最好的，因為唔太差，在比較之下佢反而係最好，我都唔知講咩好！
絕對無下次
－－－－－完－－－－－
