栢檔極品海南雞飯 (Closed)

📌 栢檔極品海南雞飯📍 荃灣楊屋道1號荃新天地1期地下27-28號舖☎️ 22648038★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*呢日做完兩個鐘高溫瑜珈🧘🏻‍♀️爆晒汗，同學同我都覺得要食個下午茶奬勵下自己。就行咗去荃新天地呢間海南雞餐廳食咗個性價比極高嘅下午茶。餐廳門面大、色彩鮮艷，一定唔會睇佢唔到。店面簡潔，乾淨企理，店員都好有禮貌。下午茶餐包埋飲品/湯都唔洗$50，特飲都只係加$6。💫栢檔極品海南雞飯（$46）呢個價錢嚟講，雞肉分量合理，油飯仲要係標準飯碗咁大。雞皮薄而爽，雞肉無比嫩滑又唔肥，有雞味，油飯有淡淡黃薑味，粒粒分明，越食越起勁。心諗，我做咗運動可以俾自己食晒㗎😋，其實係好食到唔停得口。+$12 可以轉雞脾，下次我要轉個脾食下先。💫秘方滷燒豬頸肉飯（$46）下午茶餐有成十塊豬頸肉，分量好有驚喜。豬頸肉滷得入味，口感爽口彈牙，厚薄適中，十分下飯。💫肉骨茶（$52）本身連餐有個湯，我地加錢要咗細肉骨茶。嘩！好飲到不得了，即刻單點一個肉骨茶share。上枱好大碗，肉骨茶用料十足，藥材同香料味濃郁帶少少回甘，淡淡胡椒味