一入到去就覺得超級熱鬧！平時打邊爐都係坐低慢慢點菜，但呢度最特別嘅係海鮮可以自己揀，餐廳自助撈海鮮區域會不停補貨無限量任撈任煮🤩🤩🤩🤩我梗係揀啲最生猛、仲郁緊嘅蝦同蟹啦！飲品選擇都超多，除咗基本罐裝飲品，仲有清酒、生啤、果汁機，真係要嚟幾次先試得晒。枱位夠大，唔會逼，大家圍住打邊爐好舒服😎😎😎
🦐 九節蝦：超新鮮，碌完仲保持彈牙口感，鮮味爆棚，蝦控必試！
🥩 澳洲M5和牛：入口即溶，油脂分佈超靚，香濃又juicy，冇得輸！
🥩 美國牛肩胛片：肉質嫩滑，仲保持肉汁，牛味超濃，薄薄一片，食落完全唔韌，好正！
🐑 燒香草羊鞍：外脆內嫩，仲有香草香氣，好特別，好好味！
🍮 海燕窩椰汁燉木瓜：估唔到打邊爐有咁清新嘅甜品，椰汁香濃，配燕窩同木瓜，滑溜又滋潤，完美ending！
呢餐真係食到超滿足，開心到爆！😋
