鋒哥廚房 (Closed)

同另一半食飯，佢就我係附近食，記得呢間店既前身唔係呢間，轉左手變左茶餐廳，咁就試下。餐廳內外係住宅區商場內，估計住宅客人多，好少街客會特登走入嚟食。但餐廳都有設計過，門口有個電話亭，入面色彩繽紛的色調。食物選擇晚市選擇唔算特別多，價格以散嗌為主，但都有鐵板，有新張優惠就抵好多。沙嗲粉絲海鮮煲$ 38（新張優惠價）原價$ 98，新張優惠只係$ 38，當然份量會細返，但以$ 38嚟講都好多！主要係魚塊，亦有蝦同魷魚，粉絲較幼，整體味道夠，用嚟佐飯一流。公司雜扒$ 118牛，豬，雞，司華力腸及煙肉，送餐包及餐湯，當然唔少得揀配飯/薯菜/意粉，要左黑椒汁配意粉。一上台份量十足，同埋擺盤用心，扒類較薄身，茶餐廳質素，略嫌系鐵板唔夠熱，冇滋滋聲食得唔盡興。味道正常，可惜煲同鐵板都唔夠熱，呢點需要留意及改善下。