御の味 (Closed)

Omakase就食過唔少啦，今次呢食呢間聽講玩味十足，菜式別具心裁，頗有特色。所以都幾期待。菜式都有頗多，但我就唔記得具體有幾道菜式啦。我只記得自己鐘意嘅幾道菜式。第一次飲虹吸壺整嘅湯，真係好驚喜，飲落清甜，影比朋友睇，朋友都覺得幾特別。另一道藝術分10分，味道9分嘅菜式係煙熏鴨胸鵪鶉蛋，道菜呈現出嚟我地都覺得好靚，亦都好意境，也能猜測出其中隱喻。鴨胸入味軟淋。香港人加油，鹹魚白菜唔算好好味，但係食一種精神，都感受到廚師的心意。