隱姑茶果

Open Now

Now Closed

深知大澳美食多，所以今次週末半天遊留定肚，中午一點半出發抵達大澳先醫肚掃小食。由東涌站乘坐11號巴士去大澳，車程花了50分鐘。落車行到街口先食完滷水大墨魚後，之後穿過窄巷就見到隱姑茶果，記得雞屎藤唔係好多地方有得買，所以經過停下來買一份食下。雞屎藤 $10雞屎滕一份五粒，口感和其他茶粿差唔多，內裡無餡，熱熱的食落淋淋地，淡淡草藥味，以糯米粉混合芝麻雞屎藤蒸製，雞屎藤味道幾特別，十蚊唔貴二人分享一份，唔駛排隊買來食下無妨。