先嗌咗個蒜蓉烤茄子、蒜蓉粉絲烤扇貝、烤BB露筍，再叫兩杯飲品，檸檬紅茶、雜莓乳酪奶昔，同朋友食住邊慢慢傾。
雜莓乳酪奶昔非常濃厚，飲落酸酸甜甜好開胃。
茄子同蒜蓉粉絲烤扇貝，都好香蒜味，茄子外層燒得好香，帶子非常鮮甜爽口，一定要試下。
其他嘅串燒味道都唔錯，配埋店家提供嘅辣粉真係好惹味。
跟住嗌咗個烤牛舌、小牛肉5 串同Q彈小鮮肉，小鮮肉個名好特別，原來係豬頸肉，入口非常鮮嫩香脆，牛舌都好爽口，燒牛肉就夠嫩。
大漠烤羊肉排上枱夠曬熱辣辣，表面鋪滿孜然粉同其他特製嘅香料， 羊肉肥美，值得一試。
將軍澳海邊嚟講，人均大約$300，質素都唔錯 ，而且環境舒服，同朋友食串燒傾偈，都幾有風味。
