𓊈三色海膽盛丼 $𝟹𝟻𝟾𓊉
一睇 menu 已經鎖定要食海膽丼, 一解海膽嘅心癮。見到個海膽丼滿瀉真係好滿足, 好滿意海膽多但飯唔多嘅呢個做法。三色海膽包括韓國海膽, 日本馬糞海膽同加拿大海膽。 韓國海膽有輕輕火灸過, 所以味道香濃, 日本馬糞海膽好鮮甜, 加拿大海膽比較大塊可以豪食, 三款都好新鮮好好味!
𓊈三段重大極上丼 $𝟹𝟿𝟾𓊉
呢碗丼飯有拖羅, 蟹肉同海膽, 一次滿足3 個願望, 而且仲要疊到好高, 真係好開心! 拖羅有8-10 片, 片片都入口即溶, 好好味! 蟹肉帶少少海水味, 好適合餸飯食。店員仲同我地講, 每日6 點都會有拖羅送到, 呢個時間嘅拖羅係最最最新鮮, 想食拖羅嘅朋友可以參考吓。
𓊈Suntory The Premium Malt's $𝟺𝟾/ 買一送一𓊉
350 ml 生啤做買一送一真係好抵飲, 味道芳香醇厚, 唔會太濃, 幾易入口。
♡♡ 呢度食丼飯真係好滿足, 就咁睇價錢好似有d 貴, 不過 cp 值真係好高, 係好值得食嘅丼飯!
