佐賀燒肉谷 (雅蘭中心)

Open Now

Now Closed

燒肉真係食極都唔厭🔥🔥今次同朋友黎到旺角既佐賀燒肉谷食燒肉放題～～餐廳環境乾淨、地方寬敞，整體質素都唔錯😍😍-🐮極上和牛海鮮放題 $398/位✨我地揀左Lv 4套餐，一共有126品🤩🤩落單後店員會先送上九宮格頭盤🍱，包括有特上褲裙肉、SRF和牛三叉肉、嚴選牛頸脊、骨付牛肋肉、牛肩里肌肉同牛舌等～～全部都好新鮮！每款試啲可以知邊款啱心水😋😋當中至愛安格斯牛小排🥩！肉質軟腍，油脂香十足！！另外仲有煙燻壺漬封門柳～醃得好入味！燒完後帶點焦香🔥🔥除左牛肉，仲有豚肉、雞肉、羊肉等選擇～～海鮮方面，包括有大蝦🦐、原條魷魚筒🦑、清酒煮蜆🍲同照燒帆立貝🦪等，質素都唔錯！！小食方面選擇都好多！包括有炸雞🍗、焦糖甘薯🍠、榴槤炸彈🍘、芝麻八爪魚🐙等～～蔬菜方面推介牛油金菇同牛油蘆筍🧈，夠哂香口👍🏻👍🏻餐廳仲提供多款飲品、甜品同雪糕可以任食任飲！！食完燒肉後再食返杯雪糕🍨，大滿足呢🥰🥰